الـ Schema Markup هو كود بيانات منظمة (structured data) بيتحط في الصفحة عشان يشرح لجوجل «المحتوى ده عبارة عن إيه بالظبط» — مقال؟ منتج بسعر وتقييم؟ أسئلة شائعة؟ وصفة أكلة؟ لما جوجل يفهم، بيكافئك بالنتائج الغنية (rich results): نجوم التقييم، الأسئلة الشائعة الممتدة، أسعار المنتجات — ودي بترفع الـ CTR بشكل واضح.
الأنواع اللي بتجيب نتيجة فعلية: FAQPage (أسئلة شائعة ممتدة في البحث)، Article (للمقالات)، Product (سعر وتوفر وتقييم)، LocalBusiness (للأنشطة المحلية)، BreadcrumbList (مسار التنقل)، وReview (التقييمات). اختار النوع اللي بيطابق محتوى الصفحة فعلًا — مش اللي نفسك تظهر بيه.
جوجل بيدعم 3 صيغ (JSON-LD وMicrodata وRDFa) لكنه بيوصي بـ JSON-LD: كتلة كود واحدة في
منفصلة عن HTML الصفحة — سهلة الإضافة والتعديل ومش بتبوظ تصميم الصفحة. ولو محتاج توليد سريع، جرّب أداة مولد السكيما المجانية بتاعتي (FAQ وArticle وBreadcrumb جاهزين للنسخ).بعد الإضافة: اختبر الكود بأداة Rich Results Test من جوجل (بتقولك مؤهل لإيه بالظبط)، وبعد الفهرسة راقب تقرير Enhancements في Search Console — بيظهر الأخطاء والتحذيرات لكل نوع سكيما. ملحوظة مهمة: السكيما الصحيحة لا تضمن الظهور الغني — جوجل هو اللي بيقرر.
صفحات المصطلحات دي هتتضاف للقاموس قريبًا.
مش عامل ترتيب مباشر، لكن النتائج الغنية بترفع الـ CTR — ونسبة النقر العالية إشارة إيجابية. يعني التأثير غير مباشر لكن حقيقي.
لا — دي مخالفة لإرشادات جوجل وممكن تعرضك لعقوبة يدوية. السكيما لازم توصف محتوى ظاهر فعلًا للزائر.